ସହାୟକ ଉପବିଭାଗ ଅଧିକାରୀମାନଙ୍କ ପ୍ରଶିକ୍ଷଣ ଶେଷ
ଅଶୋକ ନଗର ସ୍ଥିତ ଓଡ଼ିଶା ସଚିବାଳୟ ପ୍ରଶିକ୍ଷଣ ଅନୁଷ୍ଠାନ (OSTI)ର ନବନିର୍ମିତ ଅଟ୍ଟାଳିକାରେ ଗତ ତା.୧୫.୧୨.୨୦୨୫ ରିଖ ଦିନ ଅନୁଷ୍ଠିତ ସମ୍ବର୍ଦ୍ଧନା ସଭାରେ ଓଡ଼ିଶା ସଚିବାଳୟର ଚତୁର୍ଥ ବ୍ୟାଚ (Induction Training OPSC 2021) ର ୪୪ଜଣ ସହାୟକ ଉପବିଭାଗ ଅଧିକାରୀ (ପ୍ରଶିକ୍ଷାର୍ଥୀ) ମାନଙ୍କୁ ସାର୍ଟିଫିକେଟ ପ୍ରଦାନ କରାଯାଇଥିଲା। ସୂଚନାଯୋଗ୍ୟ ଏହି ପ୍ରଶିକ୍ଷାର୍ଥମାନେ ୨୬.୦୫.୨୦୨୫ ଠାରୁ ୨୪.୦୯.୨୦୨୫ ପର୍ଯ୍ୟନ୍ତ ତୋଷାଳୀ ଭବନ ଠାରେ ଅସ୍ଥାୟୀ କ୍ୟାମ୍ପସରେ ପ୍ରଶିକ୍ଷଣ ନେଇଥିଲେ । ତେବେ OSTI ର ନୂତନ କ୍ୟାମ୍ପସରେ ପ୍ରଥମ କାର୍ଯକ୍ରମ ଭାବେ ଏହି ସମ୍ବର୍ଦ୍ଧନା ସଭା ଆୟୋଜନ କରାଯାଇଥିଲା । ଏହି ଅଟ୍ଟାଳିକା ଓଡ଼ିଶା ରାଜ୍ୟ ପୋଲିସ୍ ଗୃହନିର୍ମାଣ ଓ କଲ୍ୟାଣ ନିଗମ ଦ୍ଵାରା ପ୍ରାୟ ୧୨.୫ କୋଟି ଟଙ୍କାରେ ନିର୍ମାଣ କରାଯାଇଛି । ଉପରୋକ୍ତ କାର୍ଯକ୍ରମ ରେ ସ୍ୱରାଷ୍ଟ୍ର ବିଭାଗ ଅତିରିକ୍ତ ମୂଖ୍ୟ ଶାସନ ସଚିବ ଶ୍ରୀ ସତ୍ୟବ୍ରତ ସାହୁ ମୁଖ୍ୟ ଅତିଥି ଭାବେ ତଥା ଅତିରିକ୍ତ ଶାସନ ସଚିବ ଶ୍ରୀମତୀ ପ୍ରଣତି ଛୋଟରାୟ ଏବଂ ଓଡିଶା ପୋଲିସ ଗୃହନିର୍ମାଣ ଓ କଲ୍ୟାଣ ନିଗମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ସୌମେନ୍ଦ୍ର ପ୍ରିୟଦର୍ଶୀ ମହୋଦୟ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏଥିରେ ୪୪ ଜଣ ସହାୟକ ଉପବିଭାଗ ଅଧିକାରୀଙ୍କ ସହିତ ସ୍ୱରାଷ୍ଟ୍ର ବିଭାଗର ଅଧିକାରୀ ତଥା ଅନ୍ୟାନ୍ୟ ବିଭାଗର କିଛି ଅଧିକାରୀ ମଧ୍ୟ ଉପସ୍ଥିତ ଥିଲେ ।
ଅନୁଷ୍ଠାନର ପ୍ରିନସିପାଲ ତଥା ଯୁଗ୍ମ ଶାସନ ସଚିବ ଶ୍ରୀ ମନୋଜ କୁମାର ଷଡଙ୍ଗୀ ସଭା ପରିଚାଳନା କରିଥିଲେ ଏବଂ ଶେଷରେ ଅଧ୍ୟାପକ ତଥା ଉପଶାସନ ସଚିବ ଶ୍ରୀ ତରୁଣ କୁମାର ବିଶ୍ବାଳ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
.jpeg)
No comments:
Post a Comment